訪談│勞斯萊斯大中華區總經理

三年疫情對勞斯萊斯及客戶消費習慣有影響嗎？純電動轎跑車Spectre銷情如何？全新設計香港勞斯萊斯陳列室感覺好嗎？

Photo by：Playful (陳列室圖片：Rolls-Royce Hong Kong)

趁住全新超過6,600平方呎，按照廠方全新品牌視覺標準設計嘅勞斯萊斯陳列室華麗登場，勞斯萊斯大中華區總經理李龍(Leon Li)訪港，我們談了以上三個問題。

Leon表示，疫情對所有人都帶來不便及唔同嘅影響，不過廠方在2021及2022兩年都創新咗銷量紀錄，尤其係大中華區(包括中、港、澳、台)，都有明顯增長，2021年銷售量更加係全球銷量第一位，2022年因為疫情嚴重而稍為下跌，仍佔銷售量第二位。至於客戶群嘅年齡，亦趨向年輕化。

講到最新嘅純電動轎跑車Spectre，Leon直言香港對勞斯萊斯嚟講，係策略性好重要嘅市場，因為香港係一個國際城市之外，香港嘅電動車市場增長更加係非常快速，至於Spectre在各地嘅需求量都求過於供，香港都唔例外，廠方會盡量優先照顧長期嘅VIP客戶需求。

最後Leon表示，全新設計嘅勞斯萊斯陳列室，感覺仲要比位於英國Mayfair嘅陳列室更好，因為Mayfair showroom附近環境，反而唔夠香港陳列室嘅周邊環境簡潔，加上香港陳列室附近仍有不少英國風舊建築，同勞斯萊斯嘅英國風格非常配合，更能顯出高貴感覺。