保時捷未來發展大計

在保時捷年度記者會上，除咗公布2022財政年度銷售數字相當成功外，廠方亦公布埋非常進取嘅未來發展動向。

2022銷售及經營回報有雙位數增長
儘管受到烏克蘭戰爭、新冠狀病毒及全球供應鏈中斷嘅影響，保時捷2022財政年度經營表現依然有增長，其中銷售收入及經營回報更有雙位數增長。

「Road to 20 」計劃
廠方又表示在2023 年，會按照「Road to 20 」計劃營運，目標係要2023年經營回報率要達到非常進取嘅20%。保時捷將會提升其個性化選項，推出one-off特別版之外，又進一步發展其 Sonderwunsch (德文特別要求的意思)計劃，客戶可以同 Porsche Exclusive Manufaktur、Porsche Classic 及Style Porsche 設計部門嘅專家，一齊制定座駕嘅特別安排，增加銷售利潤。

除此之外，全電動Macan將於2024推出，全電動718亦將於2025年推出，緊隨其後推出嘅將會係全電動 Cayenne。到2030年，將會超過80%嘅保時捷都會係全電動。

另外值得關注嘅發展項目：
保時捷公布同合作夥伴已經開始生產e-fuels，保時捷表示e-fuels係climate natural嘅替代燃料，能大幅減少碳排，而且入油方式同傳統汽油一樣，可以在傳統油站為汽車添加e-fuels。廠方希望首先將e-fuels用於賽車及其性能體驗中心，然後在未來幾年內用於其他用途。 最終，該計劃係將e-fuels賣畀石油公司，然後再轉售消費者。

廠方對e-fuels非常有信心，在智利嘅首間工廠已開始商業化生產e-fuels替代燃料，預計在五年內，已可生產數百萬加侖e-fuels。廠方又表示同建設電動車充網絡相比，e-fuels可以慳返數十億美元嘅基建投資之外，亦可以繼續為汽油車提供更為低碳嘅燃料。

2023年保時捷將有三個重要項目
今年將會有兩個值得慶祝嘅大日子，分別係保時捷跑車75周年及911車系踏入60 周年。至於第工個重要項目，就係今年6 月，保時捷亦將於利曼 24小時耐力賽中捲土重來。 在呢項經典賽事100周年，保時捷將以全新研發嘅保時捷963，再次在利曼 24小時耐力賽征戰。