跑得快又可以潛水嘅占士邦車

在007電影《鐵金剛勇破海底城》中亮相嘅蓮花Esprit S1，不但具備跑車性能，仲可以潛水甚至在水底發射飛彈攻擊直昇機。

在《The Spy Who Love Me 鐵金剛勇破海底城》中亮相嘅蓮花Esprit S1 ，因為會變身成為潛水艇，所以又叫做“Wet Nellie”。呢架水陸兩用嘅蓮花跑車在電影拍攝完畢後曾經失蹤咗一段時間，直至1989年有人在廢物拍賣會上用100美元投得一個廢置貨櫃，打開後發現櫃內收藏嘅竟然係呢架獨一無二嘅Esprit S1 “Wet Nellie”。呢架蓮花後來在2013年嘅RM Sotheby’s倫敦拍賣會上以616,000英鎊售予一位神秘買家。後來呢位神秘買家身份公開咗，原來係Tesla創辦人Elon Musk。

睇完咁威水嘅007蓮花跑車兼潛艇，又睇吓一架1978年嘅蓮花Esprit S1 ，同樣係白色，經過Q改裝嘅Esprit S1 ，與普通版本嘅拍賣市價相比，在電影中能水陸兩用嘅”Wet Nellie” 價值高出4908％之多，服未！