做品牌一啲都唔簡單

在香港，就算係代理著名超跑，都唔可以在形象宣傳上鬆懈。

今時今日嘅香港，如果你仲以為有麝自然香，可以食老本到老，就未免有少少 naive。以香港各大超級跑車代理為例，每逢佳節都會費盡心思，為品牌製作紀念品或小禮品，務求要令消費者留下良好印象。

林寶堅尼香港代理今年中秋節做嘅小禮品，係配合賞月食月餅之外嘅茶點，除咗福茗堂茶葉，仲專登配埋來自日本佐賀縣嘅唐津溫室蜜柑，加上一個精緻嘅木盒，木盒蓋面又有個非常中式節日感覺嘅印章蝕刻，打開之後就見到鮮艷奪目嘅蜜柑，相當溫馨。

賣車，其實都要賣埋溫馨感嘅 ~